Ish-kryeministri Sali Berisha e ka etiketuar krizën në Maqedoni si në “një nga krizat më të rrezikshme pas Ukrainës. Kumanova ishte shpërthim i kësaj krize. Para se të largohej nga Maqedonia, ambasadori i SHBA-së ju tha drejtuesve në Maqedoni ‘ose ndryshoni ose do shkoni si Ukraina’”.
Këtë pohim Berisha e bëri në emsionin “Studio e Hapur” i Eni Vasilit, në TV “News 24”.
Duke u ndalur në analizën e zhvillimeve në Maqedoni, Berisha u shpreh se “në Maqedoni ka një nacioanlizëm maqedonas nga më të egrit që mund të jetë. Ky nacionalizëm ka dy tregues: së pari, trashëgiminë e tij në dekada, albanofibinë dhe së dyti; i ndikuar nga nacionalizmi serb që i ka marrë kishën dhe nga nacionalzimi grek që po i merr emrin. Ky nacionalizëm kërkohet që të ndërtojë shoqërinë multietnike”.
Për Berishën, e rëndësishme në zgjidhjen e krizës në Maqedoni, është ndërhyrja dhe ndikimi ndërkombëtar. Edhe qeveria shqiptare sipas Berishës, duhet të shkojnë në harmoni me qëndrimet ndërkombëtare.
“Maqedonia është në një udhëkryq shumë të rrezikshëm. Është koha që komuniteti ndërkombëtar të ndalet në kontributin e Maqedonisë, për zhvillimet në interes të Maqedonisë. Në Kumanov kishte terror shtetëror. Kam kërkuar hetim kombëtar, ide që po përhapet. Edhe qeveria shqiptare nuk duhet të ndërmarrë asnjë hap pa u kosnultuar me partenrët ndërkombëtar. Nuk ka pse të vërë veton për zgjerimin e NATO-s. Jam kundër politikave të bllokimit. Politikanët duhet të jenë të matur. Ne kemi shqiptarë dhe qëndrimet ndaj atij vendi i marrim edhe për interesat e shqiptarëve. Duhet të insitojmë për ndërhyrje ndërkombëtare. Qeveria duhet të lobojë për hetim ndërkombëtar”, u shpreh më tej Berisha.
Berisha: Qeveria shqiptare për Maqedoninë të kosnultohet me partnerët, nuk ka pse të vërë veton në NATO
