Futbollisti Dritan Smajli shpërthen në akuza ndaj stafit teknik të ish-skuadrës së tij. Mbrojtësi lezhjan i larguar disa ditë më parë nga klubi kuksian nuk kursen të lëshojë “vrer” ndaj Miodrag Radanoviç dhe Ivan Gvozdenoviç.
“Është thjesht një trajner që ka stërvitur notarë dhe jo futbollistë. Radanoviç nuk mund të merrte përdore Kukësin dhe të arrinte fitimin e trofeve. Nuk mund ta gjykoj më shumë për dështimin e tij, sepse nuk është në fushën e tij ky sport. Më vjen më tepër keq për skuadrën dhe lojtarët që aktivizohen te Kukësi, sepse kohët e fundit u ndanë në klane dhe përgjegjës për këtë është Gvozdenoviç. Disa mbajtën anën e tij, disa jo dhe kjo sigurisht që ndikoi drejtpërsëdrejti edhe në rezultatet e ekipit. Personalisht jam munduar që të jap më të mirën time në fushën e lojës dhe nuk më vjen aspak mirë që ky ekip nuk arriti të merrte asnjë trofe në këtë sezon”, shprehet Smajli për gazetën “Sport Ekspres”.
Tashmë që është larguar nga Kukësi, Dritan Smajli është lojtar i lirë dhe në pritje të ofertave, për të vijuar karrierën e tij futbollistike.
FUTBOLL/ Akuza: Drejtuesi teknik i Kukësit, trajner noti
