Dy policë paralizuan veprimet e Markelian Doçit, ndërsa u gjendën përballë tij në momentin e shkëmbimit të zjarrit disa ditë më parë në Bulevardin “Zogu I”, pranë Fakultetit të Shkencave.
Detajet janë zbuluar në emisionin “Opinion”, të TV Klan, nga gazetarët e “kronikës” të ftuar nga Blendi Fevziu.
Prania e madhe e policisë rrugëve të kryeqytetit, atë ditë, për shkak të vizitës së kryeministrit serb Alexanadr Vucic, në mënyrë të rasëtsishme përballi dy policë të objekteve me Markelian Doçin, në momentin kur ky sapo kishte ndjekur dhe kishte qëlluar për vdekje mbi Besnik Sulkun. Armën pistoletë tip “Makarov” e ka pasur në dorë kur është gjendur përballë dy polcëve dhe ua ka drejtuar atyre. Ka qenë i menjëhershëm reagimi i njërit prej policëve i cili ka nxjerrë armën e shërbimit dhe ia ka drejtuar Markelianit.
Nga ana e tij, Markeliani nuk ka reaguar, por thjesht ka fshehur armën mbrapa.
“Nuk kam gjë me ju, po thjesht dua të ndihmoj xhaxhanë tim…”, mësohet tu ketë thënë dy policëe Markeliani.
Në këtë moment dy policët kanë reaguar dhe e kanë prangosur Markelianin.
Vrasja e trefishtë te Shkencat, dy policë u gjendën përballë Markelian Doçit, çfarë ju tha ai në momentin e arrestimit
