Efektivë të Stacionit të Policisë së Golemit në Kavajë janë dhunuar fizikisht nga pronari i një lokali në këtë zonë. Pronari i biznesit, akuzohet se bashkë me të birin dhe disa klientë i kanë nxjerrë me forcë jashtë efektivat e Policisë, duke i penguar të ushtrojnë detyrën. Por megjithëse kanë kaluar mbi 48 orë nga kjo ngjarje, ende nuk është bërë ndalimi i protagonistit që vuri para 8 policë në Golem.
Ngjarja ka ndodhur në orët e vona të mbrëmjes të së shtunës, pak para mesnate, kur tifozët e Barcelonës po festonin fitoren e finales së “Champions League”.
Janë 8 punonjës Policie, që janë dhunuar në lokalin që ndodhet në qendër të Golemit dhe një ditë pas ngjarjes policia ka njoftuar arrestimin e Erdugrel Bishqemit, 27-vjeç, pronari i lokalit.
Dhjetëra dëshmitarë, banorë që kanë lajmëruar Policinë për rrëmujën dhe zhurmën që po shkaktohej në lokal pas përfundimit të ndeshjes, por edhe disa punonjës Policie e pohojnë incidentin e ndodhur.
Pronari i lokalit, Bishqemi, njihet si mbështetës i kryetarit të Bashkisë së Kavajës, Elvis Roshi, dhe sipas disa punonjësve të Policisë së Rendit në Golem.
Disa prej kolegëve të të dëmtuarve, edhe pse shumë të rezervuar për atë që kishte ndodhur, thanë se 8 efektivat që kanë ndërhyrë në lokalin e Bishqemit, janë kthyer në Stacionin e Policisë me shenja të dukshme dhune në fytyrë e në trup.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
