Policia e Pogradecit ka nisur procedimin lidhur me kërvcënimin për Eduard Kaprin, kandidat i PD-së për bashkinë e Pogradecit. Sipas policisë Kapri ka marrë mesazhin më 10 qershor dhe ai ka qënë një mesazh kërcënues.
Pas denoncimit që ka bërë Kapri, policia ka vendosur hapjen e hetimit. Kërcënimi i Kaprit ka qënë një ndër temat e sotme politike.
Ai garon përballë një kandidati të LSI-së. Në disa zona ku kandidon LSI situata ka qënë e tensionuar ditët e fundit. Kështu është në Vorë, Kukës , Bulqizë etj.
Megjithatë kryetari I LSI-së, Meta deklaroi sot pas publikimit të mesazhit kërcënues se i sugjeron Kaprit të vazhdojë garën i qetë. Meta nuk u ka sugjeruar të njëjtën gjë edhe disa kandidatëve të tjerë që besojnë se LSI po e vështirëson garën dhe frikësohen nga manipulimi i zgjedhjeve prej kësaj partie.
