AAK: Haradinaj ende në Lubjanë, trazira në Prishtinë

Kryetari i AAK-së, Ramush Haradinaj, është ende në pritje të vendimit të kthimit të pasaportës për të ardhur në Kosovë, tha zëdhënësi e AAK sot ne orte e vona ta pasdites.

Sipas zëdhënësit Luma, ajo që ka ndodhë në Slloveni ka qënë një ofendim për Kosovën, zotin Haradinaj dhe mbarë qytetarët e vendit tonë.

Megjithatë ai mohoi që AAK tensionet në Prishtinë janë iniciuar nga AAK. “Mbrëmë dhe sot AAK ka bërë ftesë për protestë paqësore para ambasadës së Sllovenisë, reagimet e tjera janë të vet impulsit qytetar”, tha Luma. Ndërsa lidhur me rezolutën e miratuar në Parlament ai tha se grupi parlamentar i AAK e ka iniciuar këtë rezolutë, pati një rezistencë nga qeveria për tekstin e rezolutës, por ajo kaloi për shkak të vullnetit të shumicës së Parlamentit.

Përvec protestave para ambasadës sllovene, sot grupe të ndryshme qytetare kanë bërë thirrje për bojkot të produkteve të Sllovenisë, ndërsa grupi “plisat” ka ndërmarrë disa sulme ndaj bizneseve të ndryshme sllovene në Kosovë, ndërmjet të cillave edhe Bankën NLB në qendër të Prishtinës si dhe zyra të IPKO-s. “Ose Lirone Ramush Hajredinaj ose qka ka te sllovenis kemi mi kall”, kanë shkruar “Plisat” në grupin e tyre në Facebook.

Ndërkohë qeveria ëshët e alarmuar nga këto zhvillime duke patur parasysh edhe peshën e investimeve sllovene në ekonominë e Kosovës. “Qeveria e Republikës së Kosovës fton qytetarët që të tregojnë maturi dhe të përmbahen nga çdo akt i dhunshëm, duke i siguruar se çështja e z. Haradinaj është duke u trajtuar në nivelin më të lartë shtetëror dhe së shpejti pritet një zgjidhje e drejtë dhe e ligjshme. Qeveria e Republikës së Kosovës fton organet e rendit që në përputhje me ligjin të trajtojnë aktet e fundit të manifestuara kundër bizneseve dhe të ndërmarrë të gjitha veprimet e nevojshme për të parandaluar përsëritjen e akteve të tilla”, thuhet në një deklaratë pas sulmeve të para ndaj biznesve sllovene.

/DRONI.al/