Një pako e dyshimtë është gjetur pranë një banese në fshatin Sallmone në Shijak. Nga verifikimi paraprak raportohet se një kallëp tritoli gati për shpërthim i është vendosur banesës së një aktivisti të PD-së, shtetasit Altin Alla, i cili raportohet se është komisioner i saj në votimin e së dielës. Ka qenë vetë pronari i banesës, shtetasi Altin Alla, ai i cili ka konstatuar pakon e dyshimtë dhe ka njoftuar forcat e policisë.
Menjëherë pas kësaj, forcat e policisë janë nisur drejt vendit të ngjarjes, dhe kanë nisur kqyrjen dhe hetimin. Pranë derës së shtëpisë të shtetasit Altin Alla, policia ka gjetur një kallëp me tritol pa kapsollë, ndezës dhe fitil. Në zonën përreth vendit ku është konstatuar pakoja e dyshimtë është vendosur perimetri i sigurisë, ndërsa policia po punon për verifikimin e rastit.
Ngjarjen e ka konfirmuar edhe dega e PD në Durrës e cila tha se tritoli ishte vendosur në banesën e aktivistit të saj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
