Fituesi i bashkisë së Kukësit, Bashkim Shehu përmes gëzimit të fitores nuk ka shmangur dot edhe fjali të ashpra në drejtim të rivalit të tij Hasan Halili. “Falenderoj kuksianët që votuan kundër besëprerjes , harbutërisë dhe keqqeverisjes”, tha ai duke perifrazuar një fjalim të Lulzim Bashës para dhjetë ditësh në atë qytet.
Ndërkohë një fitues tjetër po ashtu nuk është zbutur nga fitorja në inatin e tij. Qazim Sejdini i pyetur rreth rivalit të tij nëse ka marrë urim, ai u përgjigj gjithë nervozizëm: “Nuk më intereson kundërshtari . Lus zotin të më japë kohë dhe forcë të realizoj premtimet”. Sejdini u bë subjekt i kritikave edhe të ndërkombëtarëve në Tiranë lidhur me një kërcënim që ishte regjistruar kohë më parë ndaj një gazetari të Elbasanit .
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
