Ura me harqe, e quajtur ndryshe si Ura e Zogut, që shtrihet mbi lumin Mat në Milot është ndërtuar në vitin 1928.
Për tekniken e veçantë të ndërtimit dhe vitet që mban mbi shpinë, përveç hekurave, është shpallur monument kulture në vitin 1974.
Deri në mesin e viteve 70 ajo ka qenë ura e vetme që ka lidhur Shqipërinë e veriut me pjesën tjetër te vendit, por prej vitit 2004 ku fillimisht u bë ristrukturimi total i saj për ta ruajtur atë nga amortizimi dhe shkatërrimi i kohës, falë investimit 104 milion lekë, filloi të vidhet pjesë-pjesë nga persona që i shisnin pjesët metalike për skrap, raporton “Ora News”.
Ura me harqe nuk i ka shinat në të dy anët e saj që shërbenin si mbrojtëse anësore, gjithashtu janë vjedhur e shkatërruar çfarë është mundur nga pjesët metalike. Por pavarësisht dëmeve kolosale , deri më sot nuk është penalizuar askush.
Sipas historianëve, kjo urë e shpallur monument kulture, duhet të ruhet nga shteti, pasi vetëm mbrojtja e stilit të saj unik në Evropë, është shumë domethënëse për trashëgiminë e vendit.
Ura e Zogut mbi lumin Mat, “monument kulture” që vidhet për skrap prej 10 vjetësh
