Gjendja shëndetësore e dy efektivëve të RENEA-s, që u plagosën dje në mëngjes gjatë operacionit në Lazarat, është e qëndrueshme dhe pa probleme serioze. Mjekët e Qendrës Kombëtare të Traumës në Tiranë, ku ata janë mbajtur nën vëzhgim që nga mesdita e djeshme, bënë të ditur se gjatë ditës së sotme pritet të lërë spitalin 27 vjeçari Perlat Hamitaj.
Kurse efektivi tjetër Jetmir Isaj do të qëndrojë edhe sot në spital, pavarësisht se gjendja e tij është e kënaqshme për bluzat e bardha. Ky i fundit ka pasur një plagë plumbi në shpatullën e djathtë, ndërsa Perlat Hamitaj, një plage të lehtë sipërfaqësore në kokë.
Pas ndihmës së parë në spitalin e Gjirokastrës, ata janë përcjellë me helikopter dje në mesdite drejt Qendrës Kombëtare të Traumës në Tiranë.
Gjendja e dy efektivëve të plagosur e qëndrueshme, njëri del sot nga spitali, tjetri nesër
