Bazilika e vogël e San Sebastiano nuk mjaftonte për të mbajtur të gjithë ata njerëz që kishin ardhur për t’i dhënë lamtumirën Aurelit, djaloshi i cili humbi jetën pikërisht në ditën e ditëlindjes së tij.
Aurel Hasaj, djaloshi me origjinë shqiptare por me banim në Itali, më 17 mars mbushte 17 vjeç. Atë ditë ai po udhëtonte me një motor të tipit “Scarabeo 50” së bashku me një miken e tij minorene në rrugët e qytezës së Ponente di Milazzo, në provincën e Messinës në Sicili, kur humbi konrollin e mjetit duke u përplasur me një shtyllë.
Arkivolin ia kanë mbuluar gjysmë me flamurin e kuq dhe gjysmë me atë Italian së bashku dhe me atë të La Fenice të cilës djali i përkiste.
Në komunë është ditë zie. Shokët e shkollës kujtuan dëshirën e Aurelit për të jetuar
Pasi doli nga bazilika, në sheshin e mbushur nga mijëra persona, arkivoli i Aurelios u përcoll me muzikën që ai e donte aq shumë si të ishte parakalimi i tij i fundit para se të shkojë në qiell.
