Një plan sekret i mbrojtjes financiare për shkak të krizës greke i quajtur “Operacioni Shqipëria” është bërë publik . Plani parashikon ndalimin e krizës greke veçanërisht në Rumani, Bullgari, Qipro dhe Maqedoni.
Ky plan është përgatitur me kujdes në rast se Greqia duhet të largohet nga eurozona, mundësi që tani për tani e hedh poshtë kryeministri francez, Manuel Vals dhe disa liderë tjerë të shteteve dhe institucioneve të eurozonës.
Është thelbësore që edhe Rumania, Bullgaria, Qipro dhe Maqedonia, në rast të daljes së Greqisë nga eurozona, të ndihmohen për të përballuar problemet financiare të mundshme, duke pas parasysh se filialet e bankave greke janë të pjesë e rëndësishme e sistemit të tyre financiar dhe tregtar.
Bashkimi Evropian, sipas këtij plani rezervë, do të ishte në gjendje që të fillonte nacionalizimin e filialeve të bankave greke në ato vende, duke vënë mbikëqyrje dhe lëvizje të kufizuar të kapitalit dhe pagesave bankare.
Kjo pasi “zgjerimi i krizës” mund të godasë më pas edhe vende tjera të zhvilluara siç është Portugalia, por edhe Spanja. Por, nëse BQE (Banka Qendrore Evropiane) fillon furnizimin me “para të freskëta” për Bankën Qendrore të Greqisë, ekziston mundësia që ajo bankë automatikisht të heq dorë nga mundësia për të furnizuar me para bankat komerciale.
Ekipi i eskpertëve të Komisionit Evropian dhe BQE-së, njësoj si “Operacioni Kroacia” në vitin 2012, i cili për fat të mirë nuk pati nevojë të vihej në funksionim, tash e ka përgatitur planin “Operacioni Shqipëria”, me qëllimin kryesor që të shmanget frika në bursa dhe lëvizja e pakontrolluar e parave ashtu siç ndodhi në fillim të krizës në eurozonë, transmeton Indeksonline.
Nuk është e qartë se pse plani mban emrin “Operacioni Shqipëria” nëse nuk bëhet fjalë thjesht për praninë e madhe të kapitalit financiar grek në këtë vend.
