Teska shihet se konsumi është zgjeruar më të paktën 4.6 për qind në tremujorin e parë të këtij viti, shihet që blerjet të kenë anuar në produktet jetike si ushqime dhe shërbime shëndeti, ndërkohë që shpenzimet për tu argëtuar kanë rënë ndjeshëm.
Instituti i Statistikës në publikimin e rritjes ekonomike gjatë janar-mars 2015, referoi se, grupi “Shërbime të tjera”, ku përfshihen Artet dhe argëtimi, Aktivitete të tjera shërbimi, Aktivitete të familjes dhe Aktivitete të familjes për përdorim të vet në tremujorin e parë të vitit 2015 pati rënie me 4.53 për qind kundrejt tremujorit të parë të vitit 2014.
Rënia e në vlera negative e shpenzimeve për këtë grup vjen për herë të parë që nga tremujori i dytë i vitit 2013, ndërsa gjatë vitit që shkoi shpenzimet e familjeve shqiptare për argëtim u rriten mesatarisht me 25 për qind.
Shpenzimet për argëtim kanë nisur kurbën rënëse që pas krizës së vitit 2008, kur burimet e financimit të konsumit morën një trajektore rënëse.
Ndalimi i rritjes së pagave dhe pensioneve në sektorin publik, rënie e remitancave të emigrantëve me gati 40 për qind në gjashtë vitet i kanë bërë shqiptarët me skeptikë në harxhime.
Edhe pse çmimet e shërbimeve të argëtimit dhe kulturës kanë pasur tendencën të jenë me rënie sipas të dhënave mbi inflacionin nga INSTAT, kjo nuk e ia ka bërë tërheqëse shpenzimet e konsumatorëve për këtë grup.
Kriza zbeh me 4.5 % shpenzimet për argëtime të familjeve shqiptare
