Të qeshësh të ndihmon të shpëtosh nga humbja e kujtesës afat-shkurtër. Një studim i kryer nga hulumtuesit në Universitetin Loma Linda, Kaliforni, tregon se të qeshurit neutralizon dhe redukton në mënyrë efektive problemin e kujtesës afat-shkurtër.
Me kalimin e moshës, efektet e dëmshme të stresit mund të dëmtojnë aftësinë për të mësuar dhe për të ruajtur informacionin në tru. Aftësia për të kujtuar lidhet pjesërisht me nivelin e një hormoni të quajtur kortizol. Me plakjen, kortizoli kontribuon në disa probleme shëndetësore, duke përfshirë hipertensionin, diabetin dhe sëmundje të tjera të zemrës. Ndër efekte të tjera anësore është edhe reduktimi i kujtesës afatshkurtër dhe aftësisë së të mësuarit, sidomos tek të moshuarit.
Përfundimi se e qeshura të ndihmon për kujtesën afat-shkurtër u bazua në një test që hulumtuesi Bains zhvilloi me tre grupe individësh: të moshuar të shëndtshëm, me diabet dhe një grup kontrolli të së njëjtës moshë. Nga testi rezultoi se grupi që pa një video gazmore kishte një nivel më të ulët të hormonit kortizol në krahasim me ata që nuk e kishin parë videon. Kjo, sipas studiuesit, tregon rëndësinë e këtij hormoni në ndikimin e asaj pjese të trurit që ndihmon në memorien afat-shkurtër.
Pra qeshni, për të shpëtuar memorien tuaj afat-shkurtër.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
