Rregullat kanë ndryshuar në këtë kopsht zoologjik, atje vizitorët mbyllen në kafaz kurse kafshët janë të lira që të ulërijnë dhe të sillen lirshëm nëpër hapësirat e parkut.
Kopshti zoologjik ‘Lede Ledu’ që gjendet në qytetin Chongqing në Kinë, ka vendosur t’i ofrojë njerëzve rast për ‘ngritje-flokësh’ që ta përjetojnë se si është në të vërtetë të përballeni me një grabitqar.
“Kemi dashur që t’i ofrojmë vizitorëve emocionin se si është të ndiqeni dhe përcilleni nga macet e mëdha, por me siguri duke eliminuar të gjitha rreziqet për ta” kishte thënë zëdhënësi i kopshtit.
“Vizitorët janë të paralajmëruar që t’i mbajnë gishtat dhe duart brenda kafazit gjatë gjithë kohës, sepse një tigër nuk e di dallimin mes gishtave dhe mëngjesit të tij”, shton zëdhënësi
Kurse një vizitor i kopshtit rrëfente se, “kjo është diçka që asnjëherë nuk e kam përjetuar në një kopsht zoologjik – ne nuk po i shikonim ata, ata na shikonin neve, dhe për ata ne ishim sikurse dreka e tyre”.
FOTO/ Një kopsht zoologjik ndryshe – njerëzit në kafaz, kafshët të lira
