Fasonët në alarm, kriza greke dhe taksat larta po i çon drejt falimentimit

Biznesi fason është i pari që po ndjen efektet e krizës greke në Shqipëri.
Kjo gjë pranohet nga Kryetari i Dhomës së Fasonëve, Gjergji Gjika i cili ka shpjeguar arsyet e rënies se kontributit të këtij biznesi në rritjen ekonomike për vitin 2015, ku ky zë kontribuoi vetëm 1.2 %. Sipas Gjikës bizneset fasone në jug të vendit me kapital grek po kalojnë krizë financiare dhe janë një hap pranë falimentimit pas vendosjes së limitit ditor për tërheqje kapitali jo më shumë se 60 euro në ditë.
Gjika i bën thirrje qeverisë shqiptare të ndërhyjë në arritjen e një marrëveshje për këto biznese pasi falimentimi i tyre do të linte mijëra qytetarë të papunë.
Përveç krizës greke dhe uljes së kërkesës nga jashtë për shkak të ndryshimit të modës në Europë, kreu i fasonëve thotë se problem në Shqipëri janë edhe taksat e larta.
Në Shqipëri janë afro 550 ndërmarrje tekstile dhe këpucësh ku janë të punësuar mbi 75 000 vetë. Një ditë më parë Banka e Shqipërisë tha se prodhimi në industritë tekstile dhe të veshjeve që zënë peshën më të lartë me afro 30.1 % për vitet 2012 – 2014 në industrinë përpunuese ka pasur ndikimin negativ më të madh gjatë këtij viti duke kontribuar vetëm me 1.2 %.

/DRONI.al/