Ish-kryetari i Partisë Demokratike, Tritan Shehu e konsideron qeverisjen e majtë një anije pa busull e cila erdhi në pushtet me premtime të gënjeshtërta, ndërsa sot po rrit edhe taksat për qentë e shtëpisë.
“Ecuria e qeverisë i ngjan më shumë një anieje në një oqean të egërsuar, që udhëton pa busull e bile disa herë edhe pa timon… Kjo mazhorancë erdhi në pushtet me spekulime të thella populiste e ultra majtiste… Ka vetëm taksa të reja e rritje të tyre, duke arritur deri tek ajo e ‘qenve të shtëpisë’”, shprehet midis të tjerave Tritan Shehu në një intervistë për “Gazeta Shqiptare”.
Problemet PS-LSI ai i lë jashtë interesave të së djathtës shqiptare, ndërsa saktëson se në PD nuk ekziston asnjë opsion për aleancë me PS apo LSI.
“Absolutisht PD nuk e ka shtruar sot opsionin e një koalicioni me PS apo LSI, as është diskutuar diçka e tillë. PD është opozita e këtij vendi. Ajo po e kryen mirë rolin e saj, ndërsa qeverisja në tërësi është treguar e paaftë. Kështu fitorja e nesërme i takon opozitës, pra PD-së. Si përfundim, unë dëshiroj të jem shumë i qartë edhe për të kontestuar dhe disa spekulime mediatike. Dëshiroj të konfirmoj mos-ekzistencën e asnjë opsioni të tillë te PD, për koalicione me PS ose LSI. Ka vetëm një opsion, ai i përgatitjes për fitoren tonë politike”, shprehet më tej Shehu.
Deputeti Tritan Shehu vlerëson se PD-ja është një skuadër vlerash me drejtuesin e saj, Lulzim Basha, që me punën e tij po i jep PD-së sipas tij, vizione e forma të reja organizimi. Ndërsa në lidhje me Sali Berishën, ai shprehet se ish-kryeministri ka një vend të veçantë në skuadrën që quhet PD.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
