Përplasjet PS – LSI risjellin në vëmendje edhe Koço Kokëdhimën. Dalja në këtë skenë e këtij personi vjen me statusin e “negociatorit”. Një takim i Koço Kokëdhimës me Ilir Metën, të enjten në një lokal të Sarandës, me emrin “e shenjtë” atë të “Santa Quaranta”, rikonfirmon rolin si “negociator” të “mëkëmbësit” të Edi Ramës.
Ndërsa besohet se temë dikutimi Meta – Kokëdhima kanë qenë zhvillimet e fundit në koalicion, mendja të shkon te ky rol i më hershëm i deputetit socialist…, me Tom Doshin…, një tjetër deputet ish-socialist.
Jo aq për paralelizëm, se sa për të evidentuar aftësinë e Koço Kokëdhimës si “negociator”, kujtojmë këtu se pas takimit të tij me Tom Doshin, ky i fundit u flak nga PS…, si “armik”.
Nisur nga kjo “aftësi” e Koço Kokëdhimës, takimi i tij me Ilir Metën është një ogur i keq për fatin jo të mirë të koalicionit PS – LSI, pritshmëria e të cilit të adreson te i njëjti fat, sikurse ai me precedentin e Tom Doshit…, pas negociatave të Koço Kokëdhimës.
Përplasja PS-LSI, Koço Kokëdhima negocion me Ilir Metën – ogur i keq pas precedentit me Tom Doshin
