Partia opozitare FDP në Gjermani kërkon një reformim rrënjësor të sistemit te azilit në Gjermani. Sipas kryetarit te saj, Christian Linder, një grup i vendeve të Ballkanit Perëndimor, si Shqipëria, Kosova dhe Mali i Zi, duhen të njihen si vende të sigurta të origjinës dhe në të njëjtën kohë duhet të rikthehet regjimi i vizave për këto shtete.
Sa i takon reformimit të sistemit të azilit në këtë vend, Linder shprehet se kostot e larta që sjellin azilkërkuesit në Gjermani duhet të mbulohen nga qeveria federale Gjermane, në vend të rajoneve të vendit. Sipas Linder është qeveria federale që vendos cilët nga azilkërkuesit mund të qëndrojnë në Gjermani, ndaj duhet të jetë pikërisht qeveria federale që të mbulojë shpenzimet. Qeveria federale vendos për dhënien e azilit pasi zyra për Migracionin dhe Refugjatët është një strukturë federale.
“Ka një nevojë urgjente për të marrë përgjegjshmërinë, por ka edhe arsye ekonomike për këtë ndryshim. Për sa kohë që shtetet dhe komunat do të duhet të paguajnë, ministria nuk ka nxitje për përshpejtimin e procesit”, tha Lindner.
Më tej ai kërkoi që të përshpejtohet procedura për azil. Në Gjermani ka shumë kërkesa për azil të refugjatëve nga Siria, Eritrea dhe Iraku. Nga ky grup 99.5 % e kërkesave të tyre marrin një përgjigje pozitive.
FDP është një parti opozitare që ka aktualisht tre deputete në Parlamentin Europian.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
