Liderët e vendeve Ballkanike janë vënë përballë njëri tjetrit në një forum të hapur ku diskutuan disa prej temave kryesore që prekin qytetarët e secilit prej shteteve ballkanike. Kryeministri Edi Rama në fjalën e tij theksoi se në këto kohë nuk është e nevojshme që liderët e Ballkanit të tregojnë se çfarë kanë bërë por është e rëndësishme ajo që ata do të bëjnë bashkë.
Në Samitin e Vjenës, kryeministri Rama ka kërkuar që të hapen negociatat me BE, për të treguar të gjithëve se Shqipëria ndodhet në Europë.
Duke u ndalur te bashkëpunimi me Serbinë, kryeministri Rama “tha se takimet me Vuçiç janë kthyer në rutinë dhe ajo që pritet është së çfarë do arrihet nga takimet tona”.
Ndërsa kryeministri i Serbisë, Aleksandër Vuçiç falënderoi kryeministrin Rama duke thene se mes Shqipërisë dhe Serbisë tashmë nuk ka më tensione.
Në përgjigje të kërkesës së kryeministrit Rama për hapjen e negociatave, Komisioneri Han i kujtoi standardet që duhen përmbushur.
“Kur i referohemi BE nuk është vetëm çështje ekonomike, por angazhim për një mënyrë jetese. Nuk është e rëndësishme nëse je apo jo pjesë e BE, por të arrish në nivelin e duhur me standardet e BE”, u shpreh Han.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
