FOTO/ Viti 2014, të ardhurat e KESH bien me 45%, humbje me 158 mln euro

Koorporata Elektroenergjetike Shqiptare (KESH) ka shënuar një ecuri mjaft negative në vitin 2014, sipas të dhënave të publikuara në bilancin e saj. Në një situatë kur bilanci i saj shënon rënie, KESH nuk pret që të mbledhë 290 mln euro nga klientët familjarë për faturat e energjisë elektrike të papaguara, që datojnë para datës së ndarjes së KESH nga OSHEE.
Në revistën Monitor shkruhet se të ardhurat e kompanisë ranë ndjeshëm me 45%, duke zbritur në 16 miliardë lekë (115 milionë euro), nga 29.2 miliardë lekë (209 milionë euro), që ishin në 2013-n.
Të ardhurat nga shitja e energjisë elektrike ranë me nga 25 miliardë lekë, krahasuar me 11 miliardë lekë në 2014-n. Sipas raportit në bilanc, pakësimi në të ardhura nga shitja e energjisë elektrike vjen për shkak të sasisë më të ulët të energjisë së shitur si rezultat i pakësimit në sasi të energjisë së brendshme të prodhuar nga Grupi në 2014.
Nga ana tjetër, janë rritur ndjeshëm shpenzimet, si rrjedhojë e zërit “Humbje nga zhvlerësimi”, prej rreth 19 miliardë lekë, që pothuajse ka dyfishuar shpenzimet totale, në 38 miliardë lekë.