Kryetari i Bashkisë së Tiranës, Erion Veliaj, ka deklaruar në një emision televiziv se do të prishë restorantin e ish-kreut të PS-së, Fatos Nano, pasi rezultos se objekti është pa leje.
“Sigurisht që do të shembet dhe FK Tirana ka të drejtë. Për sa kohë që kemi pastruar të gjithë Njësinë 5, do të ishte e pafalshme dhe do të ishte standard i dyfishtë, nëse e vetmja ndërtesë që do shpëtonte nga ky aksion, do të ishte restoranti në fjalë. Nuk më intereson fare kush ha drekë, kush ishkryeministër apo politikan drekon aty, më intereson fakti që një çiban në trup të stadiumit dhe kuzhinë me bombola gazi aty ku zhvishen lojtarët nuk mund të ketë”, u shpreh Veliaj.
Restoranti i Nanos, gjendet pranë ish-stadiumi Dinamo ose Selman Stërmasi, pikërisht në njësinë Nr. 5, aty ky Bashkia ka filluar prishjen e ndërtimeve pa leje. Madje, kjo është zona që njihet si “zemra” e mazhorancës që votoi për Veliajn, ndërkohë që kanë nisur edhe disa protesta për shkak të kundërshtimeve të qytetarëve për prishjen e objekteve.
Sipas kryetarit të Bashkisë, kjo protestë vjen pikërisht për prishjen e këtij restoranti.
“Pulëbardha” pa leje, Veliaj prish lokalin e ish-kryeminitrit Fatos Nano
