“Gani Abazi”, jep udhëzimet e fundit për lojtarët; Ne nuk trembemi!

“Gani Abazi” ka dhënë udhëzimet fundit për lojtarët shqiptarë pak para nisjes. Biseda e tij më shumë se sa teknike është psikologjike dhe me një ton shqiptari, ashtu sic ka dëshirë të thërrase edhe De Biasi veten, kohët e fundit, Gani Abazi

“Së pari, duhet ta kini gjithnjë parasysh se ne nuk i trembemi asnjë kundërshtari. Kur them ne, e kam fjalën mbi të gjitha për ju lojtarët. Edhe njëherë po ua përsëris:nuk i trembemi asnjë kundërshtari. Nuk kemi pasur frikë nga skuadra më të mëdha dhe s’duhet të kemi asnjë droje as ndaj danezëve! Fiksojeni mirë këtë!

Së dyti, dëshiroj t’i zbatoni mirë detyrat taktike dhe direktivat që kemi përcaktuar gjatë punës së këtyre ditëve. Duhet të ndodhë patjetër kështu! Nëse duam t’ia dalim mbanë, duhet patjetër të ndodhë kështu. Ju siguroj se, po i zbatuat mirë detyrat taktike, do të jetë më e lehtë për të gjithë.

Së treti, duhet të jeni të kthjellët, sepse mos harroni që ne do t’i presim rivalët dhe nuk do t’i sulmojmë. Çdo minutë që kalon, është në disavantazhin e tyre dhe në favorin tonë. Çdo minutë që kalon, shton stresin tek ata, por edhe agresivitetin. Ne duhet t’i mbulojmë mirë zonat dhe të mbrohemi me qetësi, pa panik. Kur të shohim se kundërshtari është i vendosur keq, duhet të bëjmë atë çka dimë të bëjmë ne. Jam i qartë? Ti Cikalleshsa herë që skuadra do ta humbë topin, duhet të kthehesh mbrapa dhe të ushtrosh presing. Sapo shokët e tu të marrin topin, duhet të ecësh para që të krijosh distanca!” panoramasport

/DRONI.al/