Projektligji I qeverise mun ti detyroje te largohen, ndersa projekti I ligjit per dekriminalizmin e ben te detyrueshme doreheqjen e Artur Bushit dhe Elvis Roshit. “Mayor” i Kavajës, Elvis Roshi dhe kryetari i bashkisë së Krujës, Artur Bushi nuk kanë reaguar lidhur me një lajm publikuar në mediat online se kanë vendosur të japin dorëheqjen. Burime të afërta me kreun e Kavajës thanë se ai ende nuk ka marrë ndonjë sinjal se si të sillet me mediat për nje rast të tillë. Ai nuk është i qartë lidhur me lajmin dhe se në fakt ka më shumë panik nga një padi që i ka ardhur prej KLSH-së lidhur me abuzimet me buxhetin bashkisë dhe shpërndarjen e paligjshme të investimeve përmes tenderave të zhvilluar në kundërshtim me ligjin.
Ndërkaq per Artur Bushin, kryetarin e Krujës, ka një terr informativ të plotë. Bushi i cili vjen nga një kategori joshumë publike për shkak të aktivitetit të tij të mëparshëm nuk flet rreth temave të tilla. Por pak ditë më parë, fill pas dorëheqjes së Arben Ndokës ai ka thënë se nuk do e jipte dorëheqjen dhe se një qëndrim i tillë lidhet me shpenzimet kryera gjatë fushatës elektorale.
Portali online Lapsi mësoi se si argument për dorëheqjen e mundshme të këtyre dy personazheve do të jetë tërheqja që opozita ka bërë nga këshillat bashkiakë në Kavajë e Krujë. Duke i akuzuar si elementë me të shkuar kriminale, Partia Demokratike bojkotoi këshillat bashkiakë dhe nisi një fushatë të fortë ndërkomëbtare për të denoncuar përfshirjen e individëve të lidhur me krimin në nivelet e larta të vendimarrjes së shtetit.
Kryeministri Edi Rama ka mbështetur publikisht që të dy kryetarët e bashkive gjatë fushatës duke u përballur personalisht edhe me akuzat e opozitës por edhe me akuza të tjera që vinin nga media lidhur me të shkuarën e tyre kriminale. Dorëheqja e dy kryetarëve është me pasoja elektorale pasi inicion zgjedhje në këto dy bashki, prej të cilave të paktën Kruja do të fitohet nga të djathtët nëse ato përsëriten.
