Ish ministri I Ekonomisë, tha sonte në emisionin Opinion të Blendi Fevziut se Ilir Meta ka lobuar gjithë kohën marrëveshjen CEZ-DIA. Sipas tij Meta e largoi Priftin nga minister ekonomie pikerisht per shkak te kesaj marreveshjeje qe Prifti e kishte kundershtuar.
Më poshte është e zbardhur e plotë deklarimi I Priftit për këtë cështje në emission:
“ -Dritan Prifti citohet se personi që ka denoncuar këtë aferë korruptive, në fillim të vitit 2011, dhe arsyeja kryesore që kam ikur nga ministër I Ekonomisë ishte se unë nuk pranova që të bëj letër me shkrim CEZ që Kastriot Ismailaj të mbledhë borxhet e CEZ. Dhjetë vitet e fundit nuk e kam takuar as parë Kastriot Ismailaj. Meta më ka kërkuar që ta takoj dhe nuk e kam takuar. Nuk e takova se e dija që nuk kishte eksperiencë për mbledhjen e borxheve.
-Në asnjë rast nuk I kam kërkuar CEZ të mblidhte borxhet me Kastriot Ismailaj. Në CEZ vendosnin vet dhe ministria kishte vetëm një anëtar. Pasi ika si ministër cështja shkoi në këshillin mbikqyrës të CEZ në një mbledhje në nëntor 2010. Në mbledhje ka qënë Ismailaj, dhe atë mund ta conte aty vetëm Ilir Meta. Këshilli e ka rrezuar marrëveshjen DIA CEZ. Anëtar këshilli ka qënë Ilir Ciko që e kisha emëruar unë. Pas asaj mbledhje ai është shkarkuar.
-Në asnjë rast të vetëm nuk ka diskutuar CEZ me ministrin Prifi. Ka biseduar vetëm Ilir Meta, asnjëherë CEZ. Unë nuk kam pranuar ta mbështes Ismailajn. Nuk jam takuar asnjëherë me të në 10 vitet. Ai është miku I vjetër I Ilir Metës që kur ky ka qënë Kryeministër. Takimet Nano-Meta kanë qënë kryer në lokalin e Ismailajt.
-Nuk është prekur ndonjë aferë e imja nga hyrja e Ismailaj. Nuk jam marrë asnjëherë me këto kompani që mbledhin borxhet. Nuk kam biseduar për këtë me Heisek, por vetëm me Ilir Metën.
-Marrëveshja e parë që ka bërë CEZ me DIA lidhej me listën e debitorëve të CEZ që ishte asgjë, ishte qesharake.
-Një natë është futur dikush në CEZ dhe ka vjedhur gjithë kompjuterat e zyrave në atë periudhë. Asnjëherë nuk u mor vesh se kush I vodhi. 150 mijë euro iu premtuan Petrit Ahmetit, 350 mijë I shkuan një kompanie Nereida shpk që mori 6 transferta me nga 50 milionë lekë. (Ahmetaj është edne kryetar I ERE).
-Elvis Mataj në dëhsminë që I ka dhënë kësaj kompanisë së arbitrazhit ka thënë se për këto 350 milionë nuk ëhstë kryer asnjë punë.
-Nuk kam gisht në përgjimin e bisedës së Matajt me Rucon. Nëse do të behte hetim ndërkombëtar do tua them dëshmitarëve të huaj pasi di shumë gjëra për këtë cështje.
-Në u prishëm me Ilir Metën se nuk pranova të bëj pisllëqe me të dhe cfarë më kërkonte ai. Lidhur me filmimet që kam dalë duke ndarë paratë, ishte një cështje private dhe në shtëpinë time.
-Marrëveshja nuk pengon për të bërë hetimet. Prokuroria mund të nisë hetimin. Ismailaj ka qënë I hetuar për këtë cështje por është mbyllur nga prokuroria.
-Pyetja ime është:a ka qënë Ilir Meta në Pragë për të zhvilluar bisedimet? Pse Ilir Meta ka shkuar në zyrë të Kastriot Ismailaj pas marrëveshjes? Unë e kam videon që ai ka shkuar aty. Ilir Meta është personi që ka lobuar për kontratën e CEZ-DIA. Nuk e di a ka marrë para Meta për këtë gjë, këtë le ta mësojë prokuroria. Por di që është pazari më I ndyrë”.
