Departamenti i Mjedisit, Pyjeve dhe Turizmit pranë PD pati një dëgjesë të hapur publike në Nartë me banorët e Nartës dhe Vlorës, anëtarë të Këshillit Bashkiak të Vlorës lidhur me Vendimin e Qeverisë të datës 22 Korrik 2015 për “Miratimin e Lejes së Ndërtimit për Ndërtimin e Sheshit të Pusit të Naftës ‘Zverneci Perëndimor 1’ me vendndodhje Nartë, Bashkia Vlorë”
Asnjë banor i zonës dhe asnjë anëtar i Këshillit Bashkiak nuk ishte në dijeni të këtij vendimi. Asnjë përfaqësues i qeverisë nuk ka informuar asgjë lidhur me lejen e pusit të naftës brenda në Zonën e Mbrojtur Vjosë-Nartë.
Në takim banorët shprehën indinjatën e tyre lidhur me këtë vendim antiligjor pa asnjë informacion.
Jamarbër Malltezi tha se qeveria dha leje shpim nafte brenda zones me strikte te zones se mbrojtur Narte-Vjose qe eshte zone Important Bird Area sipas konventes Ramsar. Terr informativ per banoret dhe anetaret e keshillit bashkiak. Dhunohen 3 konventa nderkombetare dhe 3 ligje te vendit.
Qeveria vendos shpim naftë brenda zonës më strikte të zonës së mbrojtur Nartë-Vjosë, tha Malltezi. Po atëherë pse mbajmë me para një agjensi për zonat e mbrojtura me 230 punonjës që shpenzon 90,000 USD në muaj dhe 6,000 USD dieta në muaj kur në zonat e mbrojtura mund të hapen edhe puse nafte, theksoi ai.
