Gruaja e Kastriot Ismailaj, Vojsava, në një intervistë me gazetaren Anila Hoxha në top channel deklaroi se nuk ka pasur kurrfarë kërcënimi apo presioni nga deputeti Tom Doshi, ndryshe nga sa thuhet në një letër të Spartak Brahos për zyrtarët më të larët të shtetit shqiptar.
“Nuk jam kërcënuar nga deputeti Tom Doshi, e njoh prej 15 vitesh. Jam takuar me të para 15 ditësh tek Sheratoni. Kishim kohë pa u takuar”.
E pyetur nga gazetarja nëse Doshi u interesua për Ismailaj, ajo tha se ka qenë një moment që pyeti për Kastriotin. Pyetja ka qenë normale rreth zhvillimeve të mëtejshme të cështjes së tij. Ai ndodhet tani na paraburgim.
Ndërsa lidhur me Dritan Priftin, gruaja e Ismailaj tha se nuk e kam takuar asnjëherë dhe as nuk e njoh.
Sipas saj ajo ka pasur kërcënime por ato kanë qënë indirekte dhe nga persona të panjohur, jo ën ndonjë takim apo telefon por duke ecur gjatë rrugës. Kërcënimet kanë qenë të tilla si: “Të largohet nga arbitrazhi që Ismailaj të lirohet. Thuaj burrit tënd të tërhiqet nga arbitrazhi”.
Duke komentuar letrën e Spartak Brahos ajo tha se kjo letër është presion nga shteti shqiptar që Kastrioti të heshtë.
Ja edhe intervista e plote:
Si quheni?
Vojsava Ismailaj: Vojsava Ismailaj, nënë e një djali dhe martuar me Kastriot Ismailaj prej 17 vjetësh.
Sot është publikuar një letër ku thuhet se jeni kërcënuar, a jeni kërcënuar dhe nga kush?
Vojsava Ismailaj: Është publikuar një letër nga zoti Braho. Unë nuk di të jem kërcënuar nga askush, as nga zoti Doshi, as nga zoti Prifti. Doshin e njoh që para 15 vitesh, e kam takuar, kam pirë kafe dhe asgjë më shumë.
Kur e keni takuar për herë të fundit Doshin?
Vojsava Ismailaj: Para disa ditësh. Mund të ketë qenë e martë ose e mërkurë.
Ku?
Vojsava Ismailaj: Tek “Sheraton”.
Për çfarë keni diskutuar?
Vojsava Ismailaj: Në vija të përgjithshme. Bisedë e lirë, kishim kohë pa u takuar dhe thjesht po diskutonim në vija të përgjithshme.
Sa kohë kishit pa e takuar?
Vojsava Ismailaj: Nuk e mbaj mend me saktësi. E kam takuar, jemi përshëndetur, por s’e mbaj mend me saktësi.
Keni diskutuar ndonjëherë për këtë çështje?
Vojsava Ismailaj: Absolutisht fare.
E kam fjalën për çështjen e bashkëshortit tuaj…
Vojsava Ismailaj: Ka qenë një moment që ai më pyeti çfarë bëhet me Kastriotin. I thash se është në paraburgim dhe kaq, nuk vazhdoi më tej.
E njihni Dritan Priftin?
Vojsava Ismailaj: Jo.
E keni takuar?
Vojsava Ismailaj: Absolutisht jo.
Keni komunikuar ndonjë herë me të?
Vojsava Ismailaj: Absolutisht jo.
A jeni kërcënuar ndonjëherë gjatë këtyre muajve nga persona të tjerë?
Vojsava Ismailaj: Ka pasur indirekt dhe kërcënimet kanë qenë si shashka. Që do të thotë: Kastrioti të tërhiqet nga arbitrazhi që të lirohet. Ky është kërcënimi që ka ardhur në mënyrë indirekte.
Indirekte nga cilët persona?
Vojsava Ismailaj: Nga persona të panjohur për mua. Anonimë.
Me mesazh?
Vojsava Ismailaj: Qoftë edhe në rrugë.
Si ka ndodhur?
Vojsava Ismailaj: Kur kam qenë duke ecur në rrugët e bllokut kanë qenë personazhe që s’i kam parë dhe janë hedhur shashka të tipit ‘thuaj burrit të tërhiqet nga arbitrazhi, ose…’.
Si e konsideroni këtë letër?
Vojsava Ismailaj: Një presion nga shteti shqiptar. Një mesazh, një kërcënim nga shteti shqiptar.
Për ç’arsye?
Vojsava Ismailaj: Që të heshtim. Të heshtë Kastrioti.
Për ç’arsye duhet të heshtni?
Vojsava Ismailaj: E vërteta e kompanisë DIA, ose e vërteta e arbitrazhit për kompaninë DIA që i takon Kastriot Ismailajt.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
