Tropojë, plagoset nxënësi nga shoku në oborrin e shkollës

Një nxënës i shkollës s mesme në Tropojë, është plagosur me armë të ftohtë nga një shoku i tij.
Ngjarja ka ndodhur në oborrin e shkollës së mesme “Asim Vokshi”. Dy bashkëmoshatarët kanë qenë duke luajtur në oborrin e shkollës, kur për arsye ende të paqarta, janë grindur midis tyre. Në këtë moment, njëri nga nxjerrë një thikë dhe me të ka plagosur bashkëmoshatarin 17-vjeçar, me inicialet A. I.
Mësohet se pas ndihmës mjekësore në spitalin e qytetit, i riu ka nevojë për ndihmë më të specializuar, ndaj edhe drejt Tropojë është nisur një helikopter për transportin e tij drejt Tiranës, ndërsa policia ka ndaluar autorin e dyshuar.