Presidenti i Federatës Shqiptare të Futbollit, Armando Duka tha se nuk do të donte që kryeministri i Serbisë Aleksandër Vuçiç të ishte prezent në takimin që do të zhvillohet në ‘Elbasan Arena’, kjo për arsye sportive.
“Në rrugë zyrtare nuk kam konfirmim nëse kryeministri Aleksandër Vuçiç do të jetë në stadium. Presidenti i federatës serbe më ka thënë më parë se nuk ishte i sigurt. Nëse do të më pyesje mua, për arsye sportive nuk do ta doja në stadium. Llogaris që ne do të duhet ta fitojmë këtë takim”,-ka thënë Armando Duka në një interviste televizive për emisionin “Opinion”. Ai tha gjithashtu
se nuk kishte informacion lidhur me prezencën e zv.kryeministrit të Kosovës, Hashim Thaçi në këtë takim, por FSHF nuk mund ti mbylli derën asnjë zyrtari nga Kosova në këtë ndeshje.
Kreu i FSHF-së e ka quajtur shumë vendimtare sfidën që pritet të luhet mes Shqipërisë dhe Serbisë. “Kam besim tek ai ekip jo vetëm e njoh shumë mirë sepse jetoj me ta. Kam besim që do të dinë t’i ndajnë gjërat. Ne kërkojmë nga ata tri pikët. Ne luftojmë për dy fitore sepse kjo është e vetmja mundësi që na garanton kualifikimin. Tensioni nuk ka pse të ketë. Ne luftojmë për dy fitore sepse kjo është e vetmja mundësi që na garanton kualifikimin. Por duke qenë para kësaj ndeshjeje që është shumë me interes, besoj se çdo njeri duhet ta mendoj me qetësinë e vet. Ajo që duhet të bëjmë ne është që të shkojmë në stadium me simbolet tona kombëtare, të këndojmë fort himnin tonë kombëtar dhe të mos shkelim rregullat” është shrehur Presidenti i Federatës Shqiptare të Futbollit, Armando Duka
Sipas Dukës kjo është ndeshja që ka pasur më shumë kërkesa se ndonjëherë dhe se këto kërkesat për ndeshjen kanë filluar që kur u hodh shorti.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
