Qeveria ka nisur fazën e dytë të aksionit kundër informalitetit. Kjo fazë lidhet kryesisht me kontrolle të dokumentacionit të brendshëm të bizneseve, sidomos bilanceve kostove, cmimeve, volumit të punës, të punësuarve tj.
Faza e dytë pritet të jetë më e rreptë dhe me më shumë pasoja tek bizneset. Sipas kërkesave të drejtorisë së Tatimeve, sasia e shkreave dhe dokumentacionit të kërkuar bën të nevojshëm edhe në biznese me një person, të paktën një finnacier me kohë të plotë. Grupet e interesit e kanë kritikuar ashpësiën e qeverisë me bizneset duke deklaruar se kjo do të nxitë edhe më tej informalitetin dhe korrupsionin në rradhët e administratës tatimore.
Ja letra e drejtorisë së Tatimeve për bizneset:
Ne kuader te Aksionit kundër informalitetit, gjatë fazës së dytë të tij ju njoftojmë se duke u bazuar ne analizen e vlerësimit të riskut mund te jeni objekt për verifikim në vënd nga administrata tatimore.
Verifikimi do të konsistojë në këto pika:
Verifikimi i shitjeve te realizuara me paisje fiskale për periudhën Gusht, Shtator 2015 , sipas të gjitha adresave ku ushtrohet aktiviteti.
Identifikimi i qarkullimit të realizuar në shitje të adresuara tek subjekte tregtare dhe shitje të realizuara me pakicë tek konsumatore final. Verifikim i plotesimit te kritereve lidhur me shitjet me pakice.
Evidentimi i kostove fikse mujore të tatimpaguesit si pagesat për qera mujore, pagesat per energji, uje , drita, paga, taksa, interesa bankare etj….
Lista e cmimeve të afishuara si dhe krahasimi me cmimet e rregjistruara në paisjet fiskale.
Krahasimi i xhiros së deklaruar me xhiron qe subjekti duhet te deklaroje bazuar ne mbulimin e kostove kostove fikse sipas koeficentit te rritjes se cmimeve.
Verifikimi mbi numrin e punonjësve në momentin e kontrollit, krahasimi i tyre me listëpagesën e shoqërisë si dhe të bëhet verifikimi i pagave të deklaruara me pagat reale që paguan subjekti punonjësve të tij.
Verifikimi i përgjegjësise tatimore aktuale të rregjistrimit.
