Burime nga Drejtoria e Përgjithshme e Tatimeve konfirmojnë se priten arrestime të subjekteve të mëdha tregtare të cilët kanë kryer evazion në shuma të mëdha parash. Bëhet fjalë për ato biznese të cilat janë konstatuar me shkelje në fazën e parë të aksionit kundër informalitetit. Arrestimet që do të pasohen me gjykimin, këto janë ndërrmarë në kuadër të ndryshimeve të reja ligjore në Kodin Penal, që parashikojnë dënim me heqje lirie deri në 3 vjet. Kështu duke ju referuar ndryshimeve në Nenin 180 të Kodit Penal citohet se: Ushtrimi i një aktiviteti tregtar të paligjshëm apo ushtrimi i një aktiviteti tregtar të paregjistruar në organet tatimore, mosdeklarimi i të punësuarve, moslëshimi i kuponit tatimor përbën vepër penale dhe dënohet deri në tre vjet burgim, informon news 24.
Shkelje në disa sektorë, burg dhe arrestime për biznesmenët e mëdhenj
