Parlamenti nuk ka miratuar dje propozimin e qeverisë për ndryshimin e Kodit Penal, që parashikonte dënimin deri në tre vjet burg për bizneset që nuk regjistrohen, apo që nuk lëshojnë kupon tatimor.
Deputetët e maxhorancës e kanë quajtur si masë shumë të rëndë që të dënohen me burgim bizneset për moslëshim të kuponit, duke kërkuar që kjo masë të ishte administrative e më pas penale.
Ndërkohë, në emër të qeverisë, ministrja për Marrëdhëniet me Parlamentin, Ermonela Felaj, ka bërë një tërheqje të butë, duka ia faturuar “përgjegjësinë” një “gabimi teknik” në zbardhjen e draftit përfundimtar.
Deputetët kundër
Relatorja e projektligjit, Vasilika Hysi, ka theksuar se në nenin 13 të ndryshimeve në Kodin Penal, moslëshimi i kuponit tatimor është vepër administrative dhe më pas penale. Sipas Hysit, në ligj duhet të përfshihen edhe rastet e dënimeve me gjoba, kur bëhet fjalë për shifra të vogla parash. Po ashtu, deputetja e PS-së tha se problematikë që nuk zgjidhej në ligj ishte edhe përcaktimi i dënimit, pra në rastin e moslëshimit të kuponit tatimor do të dënohej punonjësi apo administratori i biznesit.
do ta mbajë punonjësi”, tha Hysi.
Propozimi i Hysit u mbështet dhe nga deputetët e majtë, Pandeli Majko dhe Petrit Vasili, të cilët kanë kërkuar që neni të riformulohet në mënyrë që të mos ngarkohen me përgjegjësi penale personat e gabuar. Majko kërkoi që të negociohet me qeverinë për këtë pikë, ndërkohë që edhe kreu i Komisionit, Fatmir Xhafaj, tha se qeveria duhet t’i riformulojë nenet pasi janë rënduese për biznesin.
Tërheqja e Qeverisë
Edhe ministrja për Marrëdhëniet me Parlamentin, Ermonela Felaj, ka bërë një tërheqje të butë, duke thënë se propozimi i Hysit ka qenë i parashikuar edhe nga qeveria, por është bërë gabim në zbardhjen e draftit përfundimtar.
“Në nenin 13 të Kodit Penal është bërë një gabim në zbardhje dhe gabimi konsiston në mospërdorjen e termit, kur më parë është marrë masa administrative. Pra nuk bëhesh automatikisht objekt i veprës penale, por nëse je ndëshkuar më parë me masë administrative”, tha Felaj.
Por për opozitën, qeveria po tërhiqej nga propozimi i saj, të cilin PD e ka quajtur si çmenduri.
“Qeveria ndoshta i ka thirrur mendjes dhe tani po gjen artifica për ta hequr, se duhet hequr. Cilësimi i moslëshimit të kuponit tatimor si krim është çmenduri, është barbari”, tha Halimi.
