Gjykata Kushtetuese nisi sot shqyrtimin e kërkesës së bërë disa muaj më parë nga grupi parlamentar i PD, për mbarimin e mandatit të deputetit të PS Koço Kokëdhima.
Fillimisht gjykata vlerësoi ligjshmërinë e kësaj kërkese që ka ardhur nga grupi i deputetëve demokrateve dhe më pas, në përputhje me ligjin, nis shqyrtimi i saj me dëgjimin e kërkesave të palëve.
Avokati i Koço Kokëdhimës kërkoi që klienti i tij të jetë pjesëmarrës në seancat e gjykimit. Pas një tërheqje prej disa minutash, Gjykata Kushtetuese vendosi që deputeti i PS-së, të marrë pjesë në seancat ndaj tij.
Me këtë vendim u mbyll seanca e sotme, ndërsa ajo e radhës u la në datën 23 nëntor të këtij viti.
PD akuzoi Koço Kokëdhimën se me kompaninë e tij Abissnet kishte përfituar në të paktën 150 raste fonde publike, ndërkohë që kishte mandatin e deputetit të Kuvendit të Shqipërisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
