Studentët, protagonistë edhe të sulmit me vezë ndaj kryeministrit disa ditë më parë, kanë paralajmëruar se ditën e mërkurë do të vijojnë protestën e radhës, kundër ligjit “për Arsimin e Lartë”, këtë herë me një marshim, i cili do të nisë nga korpusi kryesor i Universitetit, deri para Kryeministrisë. Për këtë protestë është zgjedhur ora 11.00 si edhe dita e mbledhjeve të përjavshme të qeverisë.
Ndërkohë, të ftuar në studion e emisionit “Njerëz në fokus” në TV “News 24”, studentët duke dënuar në mënyrë të përsëritur dhunën e ushtruar ndaj tyre.
Studentja Bora Mema, u shpreh se, “kryeministri bënë kamerierin në universitet private dhe arrogantin ën universitetet publike”.
Studentja tjetër, Bora Mema akuzoi efektivët e policisë për dhunë fizike dhe psikologjike ndaj studentëve që u shoqëruan në komisariat, pas sulmit me vezë.
“Ndaj nesh është ushtruar dhunë fizike dhe verbale. Na kanë tërhequr prej flokësh, na kanë goditur. na kanë folur me fjalët më banale”, tha Mema.
Studentja Liri Kuçi tha se kryeministrin e kanë qëlluar me vezë të gjithë shqiptarët, duke dënuar arrogancën e tij.
“Kjo qeveri është e kapur nga privatët. Kryeministri na ka injoruar. E meritonte t’i përgjigjeshim në atë mënyrë”, tha Kuçi.
Ndërkohë studenti nga Prishtina, Dardan Konjufca, pjesë e Klubit Politik të Studentëve,
tha se edhe aktivistët kosovarë janë dhunuar në komisariat.
“Atë ditë rastisi të ishim këtu dhe u bë aksioni normalisht që iu bashkëngjitëm aksionit. Njëri nga aktivistët tanë, Valton Marku është goditur me grushte në komisariat. Dhe jemi fyer në format më banale”, tha ai.
Akuzojnë studentët: Kryeministri bënë kamerierin në universitet private dhe arrogantin në universitetet publike
