Një grua me origjinë shqiptare është arrestuar në Itali pas përfshirjes në një tentative grabitjeje në Torino, ndaj një biznesmeni për të cilin thuhet se e kishte pasur të dashur.
Sipas gazetës italiane “La Stampa”, 28-vjeçarja shqiptare nuk e kishte pranuar idenë e ndarjes dhe kishte porositur dy shtetas italianë që të hakmerreshin ndaj ish-të dashurit të saj.
Mediat italiane shkruajnë se dy persona të maskuar si policë në shërbim kanë detyruar një sipërmarrës nga San Maurizio Canavese, në provincën e Torinos, të zbriste nga makina dhe më pas e kanë rrahur.
Ata e kërcënuan biznesmenin italian që t’i jepte ish-të dashurës së tij shqiptare një shumë prej 20 mijë eurosh.
“Ose paguaj, ose do t’i themi të gjitha familjes tënde”,- kanë qenë kërcënimet e grabitësve ndaj biznesmenit. Ky i fundit i denoncoi në polici dhe më pas forcat e rendit nisën hetimet ndaj grupit.
Sipas “unionesarda”, dy personat që kërcënuan biznesmenin janë rezidentë në Vebo Valentia.
Te tre personat, 28-vjeçarja dhe dy bashkëpunëtorët e saj janë arrestuar me akuzën e tentativës së grabitjes.
Të arrestuarit sipas gazetës italiane “La Stampa”, janë: Suela Dijeri, shqiptare, 28 vjeçe, rezidente në Torino, Pasquale De Masi, 31 vjeç, rezident në Sarianello, dhe Alessandro Nesci, 25 vjeç, rezident në Gerocarne, në Kalabri.
Sipas biznesmenit italian, më 21 nëntor banda e kishte kërcënuar duke i varur te porta e shtëpisë një zarf me katër plumba dhe një sasi eksplozivi.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
