Mbi 207 kg kanabis janë gjetur në 8 çanta udhëtarësh, fshehur në kutitë e frigoriferit të një kamioni. Ndërsa në Kallpaq të Janinës është arrestuar dje një shqiptar 42-vjeçar, shofer i kamionit, që kishte tërë këtë ngarkesë brenda.
Kamionisti u arrestua natën e 15 majit 2017 në Kallpaqi nga policët e Janinës dhe departamenti i Kufirit të Konicës. Sipas mediave greke, mësohet se 42-vjeçari akuzohet për trafik, posedim dhe transport të sasive të mëdha të drogës.
Kamioni u zbulua në kuadrin e luftës së policisë greke kundër trafikut të drogës dhe pas informacioneve të marra nga burimet e saj, Policia zbuloi kamionin me rimorkio me targa shqipyare që po kalonte në rrugë.
Gjatë kontrollit, në kutinë që lidhte radiatorin, janë zbuluar 8 çantat që përmbanin 196 paketa me kanabis dhe që në total shkonin në 270 kg dhe 190 gr.
Policia kapi kamionin, që ishte pronë e një shoqërie transporti shqiptare si dhe sekuestroi 280 euro dhe dy telefona celularë të kamionistit, i arrestuari do të paraqitet para prokurorit të Janinës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
