Formalizimi i biznesit është një proces që po has në disa pengesa. Një anketim i Forumit Kombëtar të biznesit tregon se 66 % e 400 subjekteve të pyetura kanë si problem nivelin e lartë të taksave ndërsa 64 % e tyre konkurencën e pandershme.
Forumi Kombëtar i Biznesit, i cili përfshin 10 prej Shoqatave të Biznesit dhe Dhomave të Tregtisë, i kërkon qeverisë shqiptare reduktimin e barrës së taksave dhe një klimë më miqësore për sipërmarrjen.
Anketimi është realizuar në periudhën, gusht – shtator të këtij viti dhe përfshin edhe periudhën e nisjes së aksionit kundër informalitetit. Në të janë anketuar të gjitha llojet e biznesit në qytete të ndryshme të vendit.
ANKETIMI/ Taksat e larta dhe klima jomiqësore, problemet e biznesit shqiptar
