Ben Blush ka vazhduar edhe në këtë seancë parlamentare me kritika ndaj qeverisë. Këtë herë ai e ka quajtur qeverinë një qeveri teknikë, ndaj dhe ka bërë thirrje Partisë Demokratike të mos kërkojnë më qeveri teknike por zgjedhje të parakohshme. Gjithashtu Deputeti i Partisë Socialiste Blushi kritikoi edhe opozitën për sjelljen e kësaj dy javët e fundit kur ka nisur protestat.
Fjalimi i Blushit
Kur u pashë që i ratë bunkerit që mua smë pëlqen fare tamam mu kujtuan pamjet e 1998. Bunkerin e kthyet në tallaz. Nuk jam dakord me ata që thonë se bunkeri është një vepër arti. Ne që jemi në këtë krah duhet të ishim pak të kujdesshëm. Ta quash bunkerin një vepër arti është njësoj sikur një shtyllë tensioni ta quani skulpturë.
Jeni e vetmja parti që dhunoni edhe kur jeni në pushtet edhe kur ishit në opozitë. Zyrat ku ne punonim u mbushën me plumba në 14 shtator 1998. Ishte grusht shteti. Në 21 janar vratë katër vetë. Pyetja që kam unë është: ku po shkoni, drejt 14 shtatorit apo kundër 21 janarit?
Ju doni një qeveri teknike? Qeveria që kemi është teknike. Doni një qeveri më politike? Është më keq për ju. Kërkoni zgjedhje të parakohshme? Është normale, keni kërkuar zgjedhje të parakohshme 8 vjet rresht. Por ka një mundësi. Po flitet për reformën në drejtësi, por perceptimi është që ju nuk e doni. Do ishte mirë të dinim çfarë ka ai draft i reformës në drejtësi. Unë nuk besoj se do keni mundësi të rezistoni dhe ta bllokoni. Por në qoftë se e bëni mund të bëhet referendum dhe referendumi janë zgjedhjet e parakohshme. Rrugë tjetër për të pastruar politikën nuk ka. Kjo klasë politike nuk është pastruar dot me zgjedhje, as të parakohshme, as të paskohshme.
Bashkim Fino thotë, a do thuash ndonjë fjalë të mirë për Qeverinë? Po, sot me ligjin e pushtetit vendor ka ardhur dita.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
