Mirela Ferracaku, deputetja më e re
Me unanimitet votash KQZ ka miratuar zëvendësimin e deputetit Mark Frroku me pasuesen e listës shumëemërore të Partisë Kristian Demokrate. Mirela Ferracaku pritet të jetë deputetja më e re e kuvendit nëse nuk do ta refuzojë këtë mandat për shkak se një muaj më parë deklaroi se për arsye shëndetësore ndodhej jashtë Shqipërisë.
Mirela Ferracaku është deputetja më e re Kuvendit të Shqipërisë, nëse nuk do ta refuzojë këtë mandat ashtu si ka lënë të kuptohet. Komisioni Qendror i Zgjedhjeve ka miratuar me 7 vota pro zëvendësimin e deputetit të Partisë Kristian Demokrate Mark Frroku.
“Komisioni Qëndor i Zgjedhjeve vendosi t’i japi mandatin e deputetit të kuvendit të Republikës së Shqipërisë kandidates së radhës në listën shumëemerërore të Partisë Kristian Demokrate të Shqipërisë Qarku Shkodër, Mirela Ferracaku”, u shpreh Lefteri Lleshi, kreu i KQZ-së
Pwrfaqwsuesit e opozitës në KQZ e kanë cilësuar këtë lëvizje si një hap para në pastrimin e politikës duke kërkuar vazhdimin e saj.
“Mirë që në parlamentit shqiptar persona me të shkuar kriminale mund të marrin vendin që u takon jashtë këtij parlamenti qoftë pranë organeve të vuajtjes së dënimit apo të tjera raste”, u shpreh Njazi Kosovrasti.
Si u arrit nga ana e KQZ deri në emërimin e Ferracakut?
Kuvendi i Shqipërisë ka vënë në lëvizje KQZ-në për të plotësuar vakancën e krijuar në radhët e ligjvënësve pasi Mark Frroku deklaroi se heq dorë nga mandati i deputetit.
I dyti në listë vëllai i tij Arben Frroku nuk mund ta merrte këtë mandat për shkak të një urdhër arresti ndërkombëtar nën akuzën e vrasjes së shefit të policisë Dritan Lamaj . Mbi bazë të këtij argumenti administrata e KQZ-së vendosi që mandati i deputetit t’i kalojë Mirela Ferracakut e renditur me numër rendor 3 në listën shumëemërore. Ferracaku rezulton të ketë kryer arsimin e mesëm dhe një muaj më parë deklaroi se do të vendoste nëse do ta pranonte apo jo këtë mandate pasi ndodhej jashtë vendit për arsye shëndetësore.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
