Katër bashki nuk ka investuar asnjë lek që nga korriku i këtij viti. Kruja, Pusteci, Finiqi dhe Delvina rezultojnë me 0 procedura të shpallura në Buletinin e Prokurimeve Publike, sipas open data. Këto Bashki nuk kanë njoftuar blerje mallrash, realizim të punëve publike apo të shërbimeve të tilla, ka gjetur Open Data.
Bashkia e Durrësit dhe bashkia e Sarandës kanë shpenzuar më shumë para me prokurime që nga korriku i këtij viti ndërkohë që Tirana rendistte pas tyre.
Open Data Albania ka monitoruar prokurime në nivel Qeverisje Vendore gjatë periudhës 27 korrik – 7 dhjetor 2015.
Numrin më të madh të shpalljeve për këtë periudhë e ka Tirana me 27 procedura publike të shpallura. Pas saj në renditje vjen Elbasani. Në numrin e procedurave janë llogaritur edhe ato të Shoqërive Aksionere Ujësjellës Kanalizime sipas Bashkive.
Megjithëse janë Tirana dhe Elbasani, njësitë vendore me më shumë shpallje, vlerën më të lartë të Fondit Limit të shpallur për prokurime publike e ka bashkia Durrës me 862 milion lekë për 26 prokurime të shpallura. Ndërsa vlerën më të ulët e ka Kurbini me 489 milion lekë.
Interesante paraqiten Shpalljet e Bashkisë së Sarandës, bashkia që renditet e dyta sa i takon vlerës së Fondit Limit të shpallur me total 732 529 846 Lekë për vetëm shtatë procedura. Kjo është bashkia me mesataren më të lartë të Fondit Limit për Procedurë Prokurimi. Mesatarja e fondit limit Bashkia Sarandë për çdo Prokurim është 104 647 120 lekë. Prokurimi Publik me fondin më të lartë limit është rikonstruksioni i ish rezidencës qeveritare për ngritjen e EKO Kampus Saranda, rikonstruksion me vlerë 276 292 007 lekë.
Grafiku i prokurimeve sipas bashkive te ndryshme
