Shkrimtarja e udhëtimeve dhe fotografja Meagen Collins e Travel Freedom Network, në një reportazh të botuar së fundmi në Yahoo Travel ka përzgjedhur pesë destinacione europiane të “nënvlerësuara” siç shkruan ajo që duhet të vizotohen tani. : “Jemi në 2016-ën dhe shumë prej jush mund të kenë dy objektiva kryesorë : Të humbisni në peshë dhe të udhëtoni më shumë. Ne jemi këtu për t’ju ndihmuar me këtë të dytën. Ju inkurajojmë që të befasoni miqtë tuaj këtë vit dhe të zbuloni disa prej vendeve ‘të nënvlerësuara’ europiane. Dhe e dini çfarë? Që të gjitha këto vende janë jashtëzakonisht të bukura dhe me kosto të përballueshme”, shkruan Collins.
Kosova
Kosova, e në veçanti qyteti i Prizrenit, është vendi ynë i ri i preferuar. Kur ishim atje në nëntor, dimri po afrohej dhe ditët po bëheshin më të ftohta. Por, njerëzit prapëseprapë i shijonin orët e limituara me diell. Banorët pinin kafe në kafenetë e qytetit. Restorantet ishin përplot çdo natë dhe baret ofronin pije të lira dhe atmosferë relaksuese.
Çfarë mund të hani? Provoni ‘pleskavicat’, mish i pjekur dhe i mbushur me djathë. Këtë ushqim e provuam rek restoranti “Te Syla, aq i mirë sa që shkuam atje çdo ditë. Çmimi ishte më pak se pesë dollarë, dhe shumë prej restoranteve e shërbejnë atë me sallatë dhe patate të skuqura.
Kosova është vendi më i ri i shekullit të 21-të dhe zyrtarisht i pavarur që nga data 17 shkurt 2008.
Shqipëria
Ne vizituam Tiranën dhe Shkodrën, por mund të udhëtoni edhe në qytetet bregdetare shqiptare. Ky vend është i stërmbushur me bukuri natyrore sa që do të ishte turp që të mos vizitohej gjatë një udhëtimi europian. Njerëzit janë të gjithë mikpritës dhe bëjnë gjithçka për t’ju ndihmuar të huajve që kërkojnë ndihmë.
Çfarë mund të hani? Gatimet me mish viçi janë specialitet i Shqipërisë. Ju rekomandojmë të provoni edhe pilafin shqiptar, oriz i zier me lëng mishi. Zakonisht kushton rreth 1 dollar. Një fakt tjetër : Shqipëria, Armenia, Maqedonia dhe Vatikani, sipas Collins, janë të vetmet vende europiane që nuk kanë degë të McDonald’s-it.
Maqedonia
Ne vizituam kryeqytetin e Maqedonisë, Shkupin, por edhe pse është një qytet në ndërtim sërish është i bukur. Mund të vizitoni pazarin e Vjetër ose Bit Pazar, me shumë dyqane në të.
Mal i Zi
Është një prej destinacionet me zhvillimin më të shpejtë turistik në Ballkan për shkak të bregdetit të bukur, maleve mahnitëse dhe qyteteve të vjetra historike. Çmimet janë disi më të shtrenjta se në qytetet e tjera të Ballkanit, por jashtë sezonit të verës tarifat e akomodimit mund të negociohen.
Rumania
Ne jetuam katër muaj në Bukuresht gjatë 2015-ës dhe ramë në dashuri me këtë vend. Njerëzit janë miqësorë dhe kostoja e jetesës e përballueshme. Gjatë qëndrimit natyrisht vizituam kështjellën e Drakulës, që iu rekomandojmë. /Monitor/
