Kryetari i PD-së, Lulzim Basha kritikoi sot për herë të parë ndryshimet kushtetuese të viti 2008 të cilat u dhanë fuqi të madhe drejtuesve të partive politike për të seleksionuar kandidatët për në parlament. “Në 2008 ndryshimet kishin qëllim që të kishte kandidatë të pastër dhe më të mirët u tradhtua. U futën kriminelë”.
Duke folur për korrupsionin zgjedhor ai denoncoi në sy të Ramës dhe të Metës që ndodheshin në të njëjtën tavolinë, korruptimin dhe vjedhjen e votimeve në Shqipëri.
“Armiku i zgjedhjeve sot është korrupsioni zgjedhor. Nga një shqetësim në të shkuarën është kthyer në një problem të madh. Në 2013 u testua tregu i votës. Rasti ishte zgjedhjet e Korcës që u blenë votat në masë me skemën e shpërndarjes së parasë.
Në 2015 ka skemë industriale të blerjes së votës”, tha Basha.
Në vijim ai theksoi problemet e rënda të zgjedhjeve në Shqipëri. “Sot një votë ka çmim, një zonë ka cmim një kandidat ka cmim. Sot blihen vëzhguesit, kriminelët, mediat duke përdorur mjetet e qeverisë. Ky është pushteti i fituar me cdo cmim”, tha ai.
Ai solli si shembull fushatën e Erjon Velisë. “Kandidati i shumicës për bashkinë e Tiranës përdori miliona euro për reklamë. Ai duhej të deklaronte burimin ekëtyre parave. Ekspertët e matën kohën e reklamova dhe shkonte në 1.8 milionë euro”, tha Basha.
“Pushteti korrupton. Pushteti i madh korrupton shumë dhe pushteti absolut korrupton në mënyrë absolute”, tha ai.
Korrupsioni zgjedhor dhe blerja e votës janë sot sekrete publike. Të gjithë flasin për këtë por në tavolina si këto nuk thonë gjë. Në media kur flet opozita analistët e qeverisë qeshin.
Për kryetarin e PD-së, rekomandimet e OSBE/ODIHR është minimumi i standardeve që duhet realizuar.
Pushteti politik pjell korrupsionin politik, ky i fundit korrupsionin zgjedhor e kështu me rradhë.
Dy janë burimet kryesore të financimit të korruptimit zgjedhor, tenderat e korruptuar dhe paratë e krimit të organizuar. Për të dytin kemi bërë një hap të madh përpara, ligji për dekriminalizimin. Është një gjysëm hapi, tha shefi i opozitës në vijim.
Duke përfunduar Basha tha se në këto kushte pushteti nuk mund të bëjë zgjedhje kështu që ne kërkojmë zgjedhje të parakohshme me një qeveri teknike.
