Presidenti i Shoqatës së Investitorëve të Huaj kërkoi nga qeveria shqiptare më shumë optimizëm për të ndihmuar ecurinë ekonomike. Në një takim të investitorëve të huaj me kryeministrin shqiptar, Presidenti Silvio Petrazi apeloi për më shumë bashkëpunim mes qeverisë dhe biznesit.
“Ne kemi nevojë që të përhapim shumë më shumë pozitivitet dhe besim në vend. Kjo është shumë e rëndësishme për bankat, është shumë e rëndësishme për të gjithë”, u shpreh Silvio Pedrazzi.
Nga ana e tij, kryeministri Rama, për shqetësimin e ngritur Shoqata e Investitorëve të Huaj, “i ngushëlloi” sipas mënyrës së tij… me një batutë “optimiste”. Sipas Ramës, marrëdhënien e një shteti me investitorët e huaj, Rama e cilësoi si një martesë me leverdi, e cila sipas tij është më jetëgjata.
“Ju nuk duhet të shqetësoheni. Kjo është një martesë me leverdi që funksionon më së miri, ju duhet të ndjeheni të siguruar. Ndonjëherë dashuria e zjarrtë i hedh në erë martesat, kur ka leverdi i bën martesat më jetëgjata”, u shpreh Rama, pas së cilës nuk dihet në se ju ngrit morali dhe optimizmi investitorëve të huaj.
BATUTA/ Investitorët e huaj i kërkojnë të rrisë optimizmin për klimën e biznesit, ja si “i ngushëllon” Rama
