“Kam qenë gjithnjë e dashuruar me bizhuteritë fantastik të Chopard, ndaj dizenjimi i një linje bizhuterish me ata është diçka që ende nuk arrij ta besoj. Ishte një proces i jashtëzakonshëm dhe mësova kaq shumë. Mezipres që ta shohin të gjithë.”-u shpreh diva e muzikës.
Rihanna ka vendosur t’i çmendë tërësisht fansat e saj duke dizenjuar së fundmi dy koleksione bizhuterish luksoze me gjigandin zviceran Chopard.
29-vjeçarja ka punuar së bashku me drejtoren kreative të kompanisë Caroline Scheufele për bizhuteritë që janë një përzierje mes “urban chic dhe classic glamour”.
Koleksioni i parë është frymëzuar nga origjina e Rihanna-s: kopshtet e gjelbra të ishujve Barbados dhe ndjesia elektrizuese e karnavaleve në ishull.
Ai do të prezantohet në fund të muajit, ndërsa koleksioni tjetër, i një niveli të lartë luksi, do të prezantohet në maj, në 20 vjetorin e bashkëpunimit të Chopard me festivalin e Kanës.
