Kryetari i Partisë për Ligj dhe Drejtësi, Spartak Ngjela thotë se Kerri po vjen në Shqipëri për reformën në drejtësi dhe se nuk ka ndërmend të takojë edhe Ilir Metën.
“Sipas burimeve serioze, me lejoni t’ju vë në dijeni se Kerri nuk e takon Metën, edhe pse deri dje, Meta nuk ka lënë gur pa lëvizur që të sigurojë takimin me të. Por, çdo të bëjë ky pas kësaj sfide, mos do t’iu thotë shqiptarëve se jam rang më i lartë se Sekretari Amerikan i Shtetit? Ky hajdut, pas kësaj duhet të ikë, dhe të presë trokitjet në derë të Byrosë Kombëtare të Hetimit”, shkruan Ngjela.
