Prindërit në Shqipëri duhet të paguajnë edhe për rregullimet dhe riparimet në shkollë. Diçka të tillë e ka denoncuar një prind nga qyteti i Durrësit, i cili ka dy fëmijë në shkollë dhe i duhet të paguajë për riparimin e oborrit dhe palestrës së kësaj shkolle, raporton “Jeta osh qef”. Ai dhe prindërit e tjerë që kanë fëmijë në këtë shkollë duhet të paguajnë një shumë të caktuar 1000 deri në 2000 lekë (të reja).
Denoncim vjen në një kohë kur qeveria flet për reforma në Arsim dhe nga ana tjetër mungojnë gjerat më elementare siç janë ambientet e një shkollë, ky është një paradoks i realitetit shqiptar.
Denoncimi i prindit
“Jam 1 prind që kam 2 fëmijë në klasë të parë ke 1 shkollë 9-vjeçare në Durrës. Thjesht për ndërgjegjësim të opinionin publik po ju dërgoj këtë foto të 1 dok ku duhet të kontribuojmë për riparimin e oborrit dhe të palestrës së shkollës që janë bërë copë copë mu në mes të Durrësit. S’po e them emrin e shkollës se në do kontribuojmë për të gjithë fëmijët tanë dhe 10 apo 20 mijë lek të vjetra, por është turp që qeveria Rama vjedh dhe nuk investon në arsim, ky është turp dhe krim që bëhet ndaj brezave e fëmijëve tanë”.
