Ish-kryeministri Sali Berisha ka folur sonte në një intervistë për emisionin “Debat” të Reoland Qafokut për kujtimet e tij për grevën e studentëve dhe rrëzimin e bustit të Enver Hoxhës.
Ai tha se pas rrëzimit të bustit mund të tërhiqej nga politika dhe të kthehej në kardiologji, mirëpo vendosi të qëndronte për çështjen e Kosovës.
Berisha zbuloi disa fakte interesante. Duke folur për vendlindjen, Berisha tha se Hasan Prishtina ishte nga Vuçidoli dhe se edhe Ramiz Alia ishte nga një fshat shume pranë të tijit.
“Në një fshat afër shtëpisë sime, një katund që quhet Kasaj, në një lagje që quhet Aliaj, thuhet se prej andej është dhe Ramiz Alia. Ramiz Alia kur u bë president, vendosi të kërkojë rrënjët e veta. Në një mënyrë ose një tjetër, dikush i tha që i ke në Aliaj, shumë afër Vuçidolit. Ai vendosi të bëjë një vizitë, nuk e di nëse bëri kërkim më të thellë. Por pas vdekjes së Enver Hoxhës Ramizi erdhi në Tropojë, u përgatitën njerëzit ta prisnin, por nuk shkoi se i tha sigurimi të mos shkonte sepse mund ti bënin atentat dhe ai shkoi në drejtim të kundërt, shkoi në Lekbibaj që është drejtimi kundërt dhe bëri një takim atje”, tha Berisha.
Sali Berisha: Pse nuk u tërhoqa nga politika pas rrëzimit të bustit të Enver Hoxhës…?!
