Në Spitalin e Kurbinit që mbulon rreth 90 mijë banorë, pacientët dhe të afërmit blejnë çdo ilaç për sëmundjet nga të cilat vuajnë. Medikamentet që mungojnë përfshijnë antibiotikë, fiziologjikë, ringer dhe shumë të tjerë.
Familjarët të të sëmurëve i thanë deputetes së PD, Albina Deda se çdo ilac detyrohen ta blejnë dhe asgjë nuk jepet falas.
Deputetja Deda tha se dhe edhe në këtë spital u përball me një gjendje të mjerueshme sikurse në të gjithë Veriun. Në dhomat e mjekut, dhomat e pacientëve dhe në kushtet e shërbimit spitalor mbizotëron abuzimi dhe skandali. Kushtet e higjienës janë inekzistente ndërkohë që ministri Beqaj kryen koncesione qindra milionë euroshe.
Problem është ngrohja, mungesa e filmave të grafive dhe mungesa e specialisteve në shërbimet e ORL dhe dermatologjisë.
Shëndetesia falas është iluzion, tha zonja Deda, që ekziston vetëm në mendjen e Beqës dhe Ramës. Ka vetëm koncesione dhe tendera me shumë 380 milion euro në 900 diitë , pa asnjë investim real në shëndetësi.
