Mateo Zguri
Anëtarësimeve të reja të PS-së në Korçë nuk i mungoi sot edhe një mësues, Mateo Zguri, i cili më pak se një vit më parë kishte filluar punë “falë PS” dhe sot ia shpërbleu partisë me anëtarësimin në parti.
“Jam mësues prej një viti punë, falë PS dhe reformave që ka ndërmarrë PS (jo qeveria), që emëron mësuesit e rinj në bazë të aftësisë dhe meritokracisë”, u shpreh me sinqeritet mësues Mateo.
Deklarimi i sinqertë i mësues Mateos u përcoll me ilaritet edhe nga pjesëmarrësit në takim, pas së cilës ndërhyri Rama duke ju drejtuar pjesëmarrësve, “prisni, prisni, se nuk është ashtu siç duket…”.
I vënë në pozitë kryeministri u detyrua të korrigjojë se reformat i bënë qeveria (jo partia).
“Kjo qeveri, nëpërmjet konkursit i hapi rrugë punësimit të mësuesve në bazë të meritës dhe aftësisë. Ne nuk punësojmë anëtarë partie si mësues dhe nuk punësojmë mësues për ti bërë anëtarë partie, megjithatë nuk i mbyllim derën ndonjë mësuesi (si Mateo) i cili do të anëtarësohet në PS”, u përpoq të korrigjonte mësues Mateon, Rama.
