Këshilli i Mandateve të Kuvendit ka dështuar sonte të arrijë një marrëveshje për aktin nënligjor të ligjit për dekriminalizimin.
Deputeti i opozitës Oerd Bylykbashi tha se nuk ka pasur marrëveshje as për vendimin dhe as për aneksin e tij që është formulari i vetdeklarimit duke akuzuar përfaqësuesit e mazhorancës se po pengojnë arritjen e një kompromisi duke i hequr gjëra thelbësore zbatimit të ligjit.
Sipas tij projekvendimi i mazhorancës u bë poublike sot për media dhe opozitën shoqëruar edhe nga një memo nga administrata e Kuvendit. Por kjo cështje u tërhoq por është indikator i qartë se mungon vullneti i mazhorancës për kompromis, tha ai.
“Nuk ka dakordësi për aktet që janë detyrim të votohen nesër. Projektvendimi është i pavotueshëm pasi e ka kopjuar nga PD duke hequr pjesë themelore të atij projekti.
Po ashtu nuk ka dakordësi për formularin e deklarimit. Në propozojmë një formular sipas eksperiencës së dhënë nga ekspertët e FBI ndërsa ajo që ofron PS lë shteg që të shpëtojnë personat e inkriminuar”, shpjegoi deputeti i opozitës, Oerd Bylykbashi.
Jemi përpara një situatë të rëndë, tha ai.
Ndërkohë deputeti socialist Taulant Balla tha se diskutimet do të vijojnë edhe nesër para mbledhjes së Parlamentit. Ai pretendon se aktet nenligjore nuk mudn të tejkalojnë ligjin.
